Bonjbauq siusik (gicej Liengz Cingz) 8 nyied 30 hauh banhaemh, bienmoq lizsij Heiqcuengh 《Fungz Swjcaiz》 youz Guengjsae Higiyen cauxsij baizlienh haenx youq Namz- ningz Heiqciengz yienjok. Yienh- ciengz diegnaengh naengh rim vunz, diegdieg cungj miz vunz. Gij cingz gyaezguek gyang heiq oenqgyuem le bouxyawj daengx ciengz, gij fungcingz Mbanjcuengh naekna engq hawj bouxyawj yiengjsouh le ciengz vwnzva ngaizhoengh he.

Aen heiq neix yungh ciengz ciengq fanj ciemqhaeuj Cungguek gaenhdaih lizsij gwnzde dandog dwkhingz Cinnanzgvanh Dacez neix guh beigingj, yungh gij hingzsik heiq saujsu minzcuz aeu gij yienghsiengq minzcuz yinghyungz buen hwnj daizheiq bae, caiq yienh’ok gij saeh- hoengh yinghyungz boux cienghginh gyaezguek okmingz Fungz Swjcaiz daiq caencik、 lajfwngz henhoh guekgya laebceiq dai cungj mbouj bienq neix, mboujdan baijyienj le gij saehhoengh yinghyungz ciuh ciengh- ginh gyaezguek okmingz neix, hix fanjyingj Guengjsae gak cuz bek- singq doxgiet doxbang、 gij cingsaenz gyaezguek doengzcaez dingjhoenx vunzdig haenx.

Haemhhaenx dwg 《Fungz Swjcaiz》 heiqmoeg ciengz ceiq doeklaeng youq Namzningz Si yienjok, gvaqlaeng couh bae Baek- ging camgya gaiq daihhaj saujsu minzcuz vwnzyi comzyienj lo, Swcigih Yinzminz Cwngfuj、Swcigih Dangjveij Senhconzbu、Swcigih Minzveij、 Swcigih Vwnzvadingh daengj mizgven lingjdauj nem buek lauxhangz ndeu yawjngonz le yienjok. Yienjok sat le, yienhciengz sing bekfwngz caeuq sing hemqndei nanznanz sanq mbouj bae. Haujlai bouxyawj fwngz gaem va hwnj daiz soengq hawj bouxyienj, hohfuk gyoengqde 9 nyied 9 hauh、 10 hauh youq Baekging yienj ndaej ndei, aeu ndaej mingzdaeuz ndei dauqma!

Ciuq cam rox, guh ndei hong 《Byaraiz》 《Fungz Swjcaiz》 song heiqmoeg neix bae Baekging camgya gaiq daihhaj saujsu minzcuz vwnzyi comzyienj yienjok doengzseiz hix dwg hangh neiyungz Swcigih Dangjveij Banhgunghdingh、 Senh- conzbu, Swcigih Cizsuz Gihgvanh Gunghveij、 Swcigih Minzveij、 Swcigih Vwnzvadingh guh “song hag it guh” ciendaez hagsib he. Ndaw doz baihlaj dwg yienhciengz yienjheiq.