Ngoenzsinghgiz banringz, Siujmingz daeujdaengz henz naz, yawjyawj vamiuz majhung mboujcaengz.

Siujmingz yawjraen duzgoep he saetdiuq, de siengj: Gou gaeb daeuj guhcaemz yaep he, wnggai mbouj miz gijmaz saeh ba. Siujmingz couh gaebdawz duzgoep.

Siujmingz cungj guhfap neix deng daxgoeng youq henz naz haenx yawjraen lo. Daxgoeng naeuz: “Duzgoep dwg baengzyoux ndei vamiuz, dwg bangfwngz ndei nungzminz, hix dwg baengzyoux ndei daihgya. Vamiuz danghnaeuz mbouj miz baengzyoux neix, couh deng nonhaih hangz lo.” Siujmingz dingq le, ndawsim gag siengj: Gou laihnaeuz gaeb duz song duz goep mbouj miz maz youqgaenj, yawjdaeuj gij siengjfap gou loek lo. Siujmingz sikhaek cuengq duzgoep roengz naz bae lo.

Mwhde, daxgoeng yaengx hwnj mehfwngz naeuz:“Mwngz caen dwg boux lwgnyez ndei gyaezhoh daswyenz he.”

(ngeih nienzgaep Lij Yangz)