Miz baez ndeu hagdangz hai yindung’vei, gou lumz daenj haizyindung lo, daxboh couh soengq haizyindung daeuj hawj gou. Daengz bakdou hagdangz, baujanh mbouj hawj daxboh haeujbae, daxboh couh aeu haizyindung gyau hawj boux lauxsae he, daxboh doiq lauxsae naeuz: Mazfanz mwngz aeu gouh haiz neix gyau hawj Banh Yijnaz ngeih nienzgaep ngeih ban. Daxboh gou gangj le couh bae hwnjban lo. Boux lauxsae haenx daengz ngeih nienzgaep ngeih ban heuh aen coh gou, hoeng gyoengq doengzhag naeuz mbouj miz boux vunz neix. Doeklaeng boux lauxsae haenx daengz ban gou seiz lumz aen coh gou lo, de gyau hawj lauxsae ban gou naeuz: Ban mwngz miz mbouj miz hagseng heuh gijmaz naz haenx ha. Lauxsae ban gou naeuz: Miz boux he heuh Banh Yijnaz, dwg de lwi? Boux lauxsae haenx naeuz: Wnggai dwg de ba! Gou naengh youq baihlaj sawqmwh siengj hwnj gou lumz daenj haizyindung lo, gou sikhaek buet hwnjbae naeuz dwg haiz gou.

Gou ndawsim siengj daxboh gou caen huzduz ha, gou gaenq sam nienzgaep lo, daxboh gingqyienz naeuz gou dwg ngeih nienzgaep.

(sam nienzgaep Banh Yijnaz)