Duz goep he youq gwnz loh diuq bae diuq dauq. Duzdouq yawjraen le, buet daengz baihnaj duzgoep, naeuz:“Daeggo duzgoep, mwngz gaej diuq bae diuq dauq ndaej mbouj ndaej ha, nanzdauh mwngz mbouj rox byaij loh ha?”“Ndei ba.” Duzgoep siengj hix mbouj siengj couh dapwngq lo. Duzdouq ngamq siengj byaij bae, couh deng gij yiengh duzgoep byaij loh ndeiriu haenx daeuq riu lo, duzdouq naeuz: “Mwngz byaij loh gaej ngauz bae ngauz dauq ndaej mbouj ndaej ha?” “Ndei ba.” Duzgoep youh doengzeiq lo, caiq byaij geij yamq, duzdouq cix naeuz:“Mbouj ndaej mbouj ndaej, mwngz yawj gou byaij ndaej geijlai cingq ha. Hoeng mwngz byaij ndaej caen mbouj baenz yiengh!” Duzgoep gijmaz hix mbouj gangj, “bum” diuq roengz dah bae, doiq duzdouq naeuz:“Yienghneix mwngz roengz raemx daeuj youzraemx ndaej mbouj ndaej ha?” “A……Gou ndaej!” Duzdouq mbouj lawq saek di diuq roengz raemx bae, gvaq mbouj geij nanz couh deng raemx dumh dai lo. Duzgoep danq- heiq naeuz: “Mbouj ndaej couh mbouj ndaej, cienfanh gaej auqmanz ha!”

(haj nienzgaep Cau Swjyangz)