Miz baez he, gou caeuq doengz daiz gou doxceng lo.

Youq ndaw samnyied, cingq dwg aen geiqciet daengngoenz ronghmyag ndit raeujrub, nywj heu va hai, banhaet dangz daih- it, gou cingq nyinhcaen sij cozyez, hoeng doengz daiz gou mbouj miz saeh guh, couh laeglemx yo gij vwnzgi gou bae. Gvaq yaep he, gou sij cih loek lo, cingq yaek ra gaucat, hoeng aen habvwnzgi gou mbouj raen lo. Gou yawjraen doengz daiz gou caeg riu, gou couh rox dwg de yo bae lo, de bingzseiz gyaez caeuq gou loenghriu, itdingh dwg de, aennaj gou sikhaek yienz hwnj- daeuj, naeuz: “Mwngz vihmaz yo habvwnzgi gou bae?”“Mbouj miz ha!”“Mbouj miz, gou cungj yawjraen lo.”“Mbouj miz, mbouj miz, couhdwg mbouj miz.” De riu dwk naeuz. Couh yienghneix dou doxceng hwnjdaeuj lo. Daengz dangz daihseiq hwnj- dangz, gou cix roxnyinh daengz gou hix miz loek, doiq doengzhag wnggai gangj dauhleix, mbouj ndaej doengh mbouj doengh couh doxceng, gou couh naeuz: “Doiq mbouj hwnj, gou mbouj wnggai yienghneix caeuq mwngz dox- ceng.” De riuriu le naeuz: “Mbouj dwg law, dwg gou loek lo.”

Doenggvaq baez doxceng neix, sawj gou rox aen dauhleix he: Doengzhag aeu doxgiet doxbang, mbouj ndaej vih di saeh iq ndeu couh daxceng doxndaq, cijmiz yienghneix cijndaej baenz baengzyoux ndei doxcaez cinbu.

(sam nienzgaep Vangz Leiz)