Seizcin raeujrub youh daeuj- daengz lo, daegnuengx go’nywj daj ndaw rungj daxmeh daihdeih ndonj ok aen’gyaeuj, heuoiq daeuj. Dahsau vadauz launyaenq ndaej aennaj cungj nding lo, daeggo gofaex hix did ok nyod oiq daeuj, roegenq daj baih- namz mbin dauqma lo, cici caca heuh dwk, lumj dwg naeuz: “Seizcin daeuj lo, seizcin caen gyaeundei!”

Duzdouq hau siengj: Ndit seiz- cin geijlai raeujrub ha, gou bae guhcaemz gonq! Duzdouq saetsaet diuqdiuq byaij gvaq giuzfaexdog, ngamq siengj byaij gvaqbae, yawjraen daxgoeng yiengz menh- menh daj baihlaeng de byaij gvaqdaeuj. Duzdouq hau gip- muengz naeuz:“Daxgoeng yiengz, mwngz dwg bouxlaux, mwngz gvaqbae gonq ba!” Daxgoeng yiengz naeuz: “Mbouj yungh law, duzdouq hau mwngz gvaqbae gonq ba.”

Duzdouq hau doiq daxgoeng yiengz naeuz:“Daxgoeng yiengz, mwngz dwg bouxlaux, mwngz gvaq- bae gonq!”

Daxgoeng yiengz riunyumnyum naeuz: “Duzdouq hau, mwngz caen dwg boux lwgnyez ndei roxsoq rox doxnyiengh he ha!”

(ngeih nienzgaep Cangh Yez)