7 nyied 27 daengz 28 hauh, bi 2016 Guengjsae Daizvanh saujsu minzcuz vwnzva doxgyau hozdung nem cietbogfeiz Yizcuz Lungzlinz youq Lungzlinz Yen Dwzngoz Cin banh. Saujsu minzcuz vwnzva doxgyau canhfangjdonz daj Daizvanh daeuj haenx、 gyoengq bouxyawj ndaw yienh rog yienh caeuq beixnuengx Yizcuz daengj 20000 lai boux vunz camgya hozdung.

Cietbogfeiz bineix aeu “Guengj- sae Daizvanh haijyaz song hamq caencik caez gangj caencingz、 caez maeuz hwngfat、 doxyaeng doxgap” guh cawjdaez, hozdung neiyungz baugvat 27 hauh gyangngoenz banh gaihmusiz、 caeq feiz、 soengq roeg- vaiqguhvaiqguz、 ciengj gyaeqbit、 ciengj bawxmoq、 daz najndaem daengj; banhaemh banh dongfeiz vanjvei. 28 hauh banhaet youq aen yienh neix Aen Cungsim Langhbaij Vwnzva Minzcuz Minzsuz it laeuz funghhaihoih ciuhai aen hoih bi 2016 Guengjsae Daizvanh doxgyau vwnzva saujsu minzcuz, banringzgvaq bae Dwzngoz Cin Denba Cunh Mbanj- canghgyahcai guh sawveh ingjsiengq langhbaij.

Hozdung lai cungj lai yiengh, louz gij yaenqsiengq ndei hawj gyoengq bouxyawj, gyalaeg gij cingzngeih beixnuengx song hamq.

(Dauz Dwzgvangh/陶德光)