Mboengqneix, Lungzswng Gak Cuz Swciyen Lungzciz Cin banh gaiq daeuz ciet ciengxndang mingh gyaeu, haimuq ngoenzhaenx banh le guh ceiz、 ngaizbakranz minzcuz、ep bya、biujyienj gofoux minzcuz、 vut gamou daengj daegsaek minzsuz hozdung, hawj gyoengq bouxhek caenhcingz daejniemh gij yinxdaeuz daegbied minzcuz Lungzciz Cin.

Gaenh geij bi neix daeuj, aen yienh neix cugyamq guhbaenz aeu minzsuz fungcingz youzcet、ciengxndang mingh gyaeu youzcet、swnghdai lajmbanj youzcet daengj guh daiqbiuj daegsaek lijyouz hanghmoeg, mboujduenh daezswng lijyouz binjciz caeuq fugsaeh suijbingz, yinx ndaej haujlai bouxhek ndaw guek rog guek daeuj yawjngonz youzcet. Ndaw doz dwg vunzmbanj cingq guh ceiz.

(Banh Cisiengz/潘志祥 Cinz Yenyen/陈燕燕)