●Bineix doxdaeuj, Mungz- sanh Yen laebdaeb gyahung dajcaux“seiqgeiq haijva” hanghmoeg, dajndaem vagwz- sangh、 godaengngoenz、 nywj- bienmax、 nywjbakngoenz daengj doenghgo va, caemhcaiq gya- hung gaijndei roenloh、 diengz- yietnaiq、 baizdazroen daengj giekdaej sezsih haijva gingjgih, ceng’aeu youq ciet bet nyied cibngux、ciet guekgingq song aen ciet hwng lijyouz neix, aeu gij gingjsaek gyaeundei angq- coux bet fueng bouxhek.

（Gvanh Sinh）

●Gaenh geij bi neix daeuj, Liujcouh Si Yungzsuij Myauzcuz Swciyen Vaizbauj Cin yungh gij vunqsik “gunghswh+hozcozse+gihdi+noengzhoh”, haenqrengz doicaenh laj faex ndaem raetndangj diegguhyiengh hwnj- guh, daiqdoengh 1000 lai ranz- ndaemfaex youq laj faex ndaem golingzcih 4000 lai moux, bi sou ndaej raetndangjhawq 4800 lai fanh goenggaen, bi canjciz 4800 lai fanh maenz, doidoengh vunz gungzhoj vut gungz baenzfouq.

(Lungz Dauh)

●Bineix, Sanhgyangh Dungcuz Swciyen daj bi 2016 buek daih’it caizcwng ngaenz- cienz cienhangh bangrex dawz ok 1872 fanh maenz ngaenz bangcoengh canjnieb hwngfat, boujciengj ranzgungzhoj hwngfat ndaem caz、 ndaem haeuxnaz ciengx bya、 ndaem ywdoj、 ndaem maklozhangoj daengj daegsaek canjnieb, doenggvaq gij fuengsik “gunghswh+hoz- cozse+ranzgungzhoj”, bangcoh ranzgungzhoj demgya souhaeuj, vut gungz baenzfouq.

(Vuz Lenyinh)

●Gaenh geij bi neix daeuj, Lingzsanh Yen dawz “gungganq gizdieg gijndei canjnieb、 hwng- fat daegsaek ginghci” dangguh roenloh cujyau doicaenh laj- mbanj moq hwnjguh caeuq coicaenh bouxguhnaz laisou baenzfouq, cungfaen yungh swhyenz bonjdieg, gyavaiq nungzyez canjnieb gezgou diuz- cingj, hwngfat gizdieg daegsaek canjnieb, byaij ok diuz roen baenzfouq “it mbanj it yiengh” “it mbanj lai yiengh” he.

(Liz Hihcouh Cinz Lanzlanz)