Ngoenzneix ndit ronghndei, gou yawjraen daxgoeng youq ndaw suen- byaek nyaengq mbouj dingz, gou buet gvaqbae cam daxgoeng cingq guh gijmaz?

Daxgoeng naeuz:“Gou cingq ndaem byaek ha!”Gou angq dwk naeuz:“Daxgoeng, gou bang mwngz ndei lwi?”

Daxgoeng naeuz:“Daiq ndei lo, nanz ndaej mwngz mbouj lau uq, caen dwg boux lwgnyez roxsoq ndeu.”

Gou bang daxgoeng ndaem le haujlai byaek, miz byaekhau、lauxbaeg、makyungz daengjdaengj. Daxgoeng naeuz:“Byaek ndaem le geiq ndaej guh gienh saeh ceiq youqgaenj couhdwg rwed raemx, raemx mbouj ndaej rwed lai, hix mbouj ndaej rwed noix, mboujne go’byaek couh maj mbouj ndei.”

Ngoengz daihngeih gyanghaet, gou bae daengz suenbyaek, ha, gvaq hwnz ndeu go’byaek cungj daengj soh aenndang lo, gyoengqde cingq caj daengngoenz daxgoeng okdaeuj ne. Yawj go’byaek maj ndaej baenzneix ndei, ndawsim gou diemzsisi.

(ngeih nienzgaep Liengz Cihih)