Miz ngoenz ndeu gwn haeuxcaeuz, daihgya cungj gwn liux lo, cij lw gou boux dog caengz gwn liux. Caj daihgya cungj lizhai aendaiz, gou couh aeu gij haeux gou gwn caengz liux haenx daj yangzdaiz dauj roengz laj bae, dingjlingz deng daxmeh yawjraen lo. Daxmeh fatheiq doiq gou naeuz: “Mwngz vihmaz dauj haeux bae ne? Mwngz mbouj rox moix naed haeux cungj dwg boh- au nungzminz sinsin hojhoj ndaem okdaeuj ha? Baezlaeng sou haeux, mwngz ma lajmbanj bang boh’au mwngz sou haeux, mwngz couh rox lo.” Gou deng hwk dwk heiq cungj mbouj gamj ok. Daxmeh ciepdwk naeuz:“Mwngz gwn mbouj liux couh cuengq youq gwnz daiz, gaej dauj bae, engq mbouj ndaej dauj roengz laj yangzdaiz bae!” Gou naeuz: “Meh, gou rox loek lo, baezlaeng mbouj gamj lo.”

(ngeih nienzgaep Loz Cinbungz)