1、0、6、9 ndaw suyoz vuengz- guek cingq cenglwnh bouxlawz bonjsaeh ceiq hung, ceng haujlai nanz cungj mbouj miz gezgoj. 0 siengj daengz aen banhfap he: “Gizneix miz seiq aen daengq, raeuz daeuj guh ceng daengq doxdax, byawz sawj seiq vih soq gyoebbaenz aensoq ceiq hung, bonjsaeh byawz couh ceiq hung.”

Gyoengqde gig vaiq ciengj daengz aendaengq, gyoebbaenz le 1906. 1 naeuz:“Gou youq aensoq cienvih, daibyauj 1 cien, cozyung gou ceiq hung!” 9 ciengj daengz aen soq bakvih, angq dwk naeuz:“Gou ciemq aensoq bakvih, daibyauj 9 bak, cozyung gou ceiq hung!” 0 daekeiq naeuz: “Mbouj miz gou, sou couh cij gyoebbaenz sam vih soq lo!”

Seizneix, 6 doiq gyoengqde naeuz: “1 ciemq le aensoq cienvih, aen seiq vih soq neix couh hung luma? Danghnaeuz hawj 9 ciemq, yienghneix couhdwg 9 cien, beij 1 cien hung lai lo!” Gyoengqde doeksaet dwk mwngz yawj gou gou yawj mwngz, dwg ha, aensoq gwnz cienvih yied hung, gyoebbaenz aen soq haenx couh yied hung. Danghnaeuz aensoq bakvih caeuq cibvih, daj gij soq lw roengzdaeuj haenx hix genj aensoq ceiq hung, yienghneix aen soq seiq vih soq neix cij dwg aensoq ceiq hung bw.

（Vei Siujdingz）