Moix baez gou byaij youq gwnz gai caezcingj seuqset, gou couh siengj hwnj boh’au daxheiz vanzvei gunghyinz baet dieg haenx.

Miz ngoenz ndeu gyanghaet, gou bae hagdangz, gou itmienh byaij itmienh gwn makgam. Mwh gou byaij daengz bakdou hagdangz, raen boux boh’au vanzvei gungh- yinz he cingq baet dieg, gou siengj: Gou vut naeng makgam youq gwnz dieg ba, fanjcingq boh’au baet dieg haenx gvaqdaeuj baet. Gou itmienh siengj, couh vut song aen naeng makgam roengz gwnz dieg bae.

Dahraix, boux boh’au vanzvei gunghyinz byaij gvaqdaeuj lo —— de gip hwnj aen naeng makgam he, yienzhaeuh unqswnh doiq gou naeuz:“Siujbaengzyoux, mbouj ndaej luenh vut nyapnyaj bw, bouxboux cungj yienghneix vut, vanzging couh deng buqvaih lo.” Gou dingq le, roxnyinh gig najmong, couh ganjvaiq gip lingh aen naengmak hwnjdaeuj vut haeuj aendoengj coux nyapnyaj bae. Mwhde, boux boh’au vanzvei gunghyinz doiq gou naeuz: “Mwngz caen dwg boux lwgnyez ndei ha.”

Vanzvei gunghyinz moix ngoenz mbwn caengz rongh couh hwnqdaeuj baet dieg, gyoengqde gig sinhoj, raeuz yaek aeueiq gyoengqde! Raeuz yaek daj seiz- neix guh hwnj, doxcaez daeuj baujhoh vanzging seuqset ba.

(sam nienzgaep Cangh Yisinh)