Bineix hajit gyajgeiz, daengx ranz dou bae lijyouz.

Daxboh hai ci daengz gyahyouzcan gya le 210 maenz youz. Moix swng youz 7 maenz. Daxboh doiq gou naeuz: “Raeuz daengz giz bae youz haenx yaek hai 420 cienmij ci, moix swng youz daih’iek hai ndaej 13 cienmij. Mwngz suenqsuenq mbat he, gou haxbaenh gya gij youz haenx gaeuq yungh lwi?”

Gou naemj yaep he, siengj ok sam cungj suenqfap.

Cungj suenqfap daih’it dwg: Sien suenq ok 210 maenz gya ndaej geijlai swng youz, caiq suenq ok gij youz neix hai ndaej geijlai cienmij. 210÷7=30(swng), 30×13 = 390 (cienmij), hoeng daengz gizdieg bae youz dwg 420 cienmij, 390＜420, ndigah daxboh gya gij youz haenx mbouj gaeuq yungh.

Cungj suenqfap daihngeih: Daengz gizdieg bae youz haenx miz 420 cienmij, moix swng youz hai ndaej 13 cienmij, yienghneix couh yaek yungh 420÷13≈32.3(swng) youz, dax- boh gya le 210÷7=30(swng) youz, 30＜32.3, ndigah daxboh gya gij youz haenx mbouj gaeuq yungh.

Cungj suenqfap daihsam: Daxboh gya le 210÷7=30(swng) youz, ci yaek hai daengz gizdieg bae youz, moix swng youz couh yaek hai 420÷30=14(cienmienj). Hoeng moix swng youz daih’iek hai ndaej 13 cienmij, 13＜14, ndigah daxboh gya gij youz haenx mbouj gaeuq yungh.

Gyoengq doengzhag, sou lij siengj ok suenqfap wnq lwi?

(seiqnienzgaep Lij Yijhih)