Miz duz roegga ndeu mbin bae mbin dauq, gamjdaengz baeg lo, de couh dingz youq gwnz ndaek rinhung ndaemndatndat ndeu yietnaiq. Sawqmwh, ndaek rin menhmenh doengh hwnj- daeuj, duz roegga gig geizheih, couh mbin hwnjdaeuj, baez yawj yienzlaiz dwg duz ma’ndaem.

Duz roegga nyaenx mbouj ndaej riu hwnjdaeuj:“Haha, gwnz seiqgyaiq baenzlawz miz duz doxgaiq baenzneix ndaem- ndatndat ne……hahaha!” Gij sing riu roegga gingdoengh duzma lo, duzma ngiengx gyaeuj baez yawj, yienzlaiz dwg duz roegga cingq youq gwnz ndang de riu mbouj dingz, riu dwk raemxda cungj conh lo, duzma gamjdaengz gig geizheih, couh cam roegga naeuz: “Vei, mwngz riu gijmaz?” Seizneix, roegga riu ndaej engq haenq lo: “Mwngz baenzlawz maj ndaej baenzneix ndaem ha, couh lumj ndaek danq nei, yakyawj lai lo.”

Duzma dingq le, ndawsim hix mingzbeg lo, de gamjdaengz ndei riu, hix riuhaha hwnjdaeuj. Duz roegga ngeiz lo, geizheih dwk cam:“Mwngz riu gijmaz, duz yakyawj. ”

“Aeya, mwngz dan yawj- raen gou ndaem, yawjyawj mwngz swhgeij, youh beij gou hau geijlai ha.” Duz roegga doeksaet dwk yawjyawj aenndang swhgeij, naj fwt hoengz lo.

(指导老师：陆小媚)