Seizcin ngoenz ndeu, gou caeuq daxmeh bae ndaw doengh- naz yawj va’byaekyouzcai.

Byaij daengz henz doenghnaz, gou deng baihnaj goenghgij va- byaekyouzcai maez youq lo. Doenghnaz gvangqlangh, mbaw- byaekyouzcai heuyauyau, va- byaekyouzcai henjrwgrwg, ndei- yawj dangqmaz, hawj vunz yawj dwk simsangj simsoeng.

Daengngoenz ronghsagsag ciuq gwnz daihdeih, rumzcin raeujrub ci gvaq doenghnaz. Gwnz limq va’byaekyouzcai venj miz geij naed raemxraiz ronghliklik, daengngoenz ciuq gwnzde wenj- myagmyag. Rumzcin ci gvaq, va- byaekyouzcai mbouj dingz bi aen’gyaeuj de, lumj dwg diuqfoux nei. Va hom cienz cib leix, yinx daeuj baenz gyoengq baenz gyoengq rwi, duzrwi maenjung’ung daj duj va neix mbin daengz duj va haenx, moix duj va cungj riunyumj angqcoux de.

Doenghnaz, va’byaekyouz- cai、daengngoenz、rumzcin、duzrwi lumjbaenz aen duenzdiuqfoux he, doxcaez diuq hwnj diuzgo seizcin.

(ngeih nienzgaep Fu Gingjdingz)