Daihgya cungj heuh gou Siuj- liengz. Aenvih rwz gou iq raixcaix, lwgda youh hung youh rongh, song fwngz hung ndaej goeb aenmbwn. Lauxsae gangj: “Fwngz hung ndaej guhbaenz saehhung. Danhseih, gou yungh song fwngz neix guh le haujlai saeh diuqbeiz. ”

Ngoenz ciet sam nyied sam, daxmeh gou guh haeuxnaengj saek- hoengz. Gij saekhoengz ndaej ronghsien gyaeundei, hawj vunz myaiz cungj rih lo. Sawqmwh, gou naemj daengz: Aeu ciengq lwgmanh hoengz gyaux ndaw haeuxnaengj bae, dwg mbouj dwg engqgya ndei yawj engqgya ndei gwn ne? Yienghneix, gou couh dawz ciengq lwgmanh hoengz dwk haeuj ndaw haeuxnaengj bae. Daxboh gwn gaemz haeuxnaengj ndeu, a a a ……swenj hwnjdaeuj, de sikhaek buet bae gwn raemx. Gou roxnyinh gig dwgriu, couh nyaenx mbouj ndaej riuhaha hwnj- daeuj lo. Cingq youq seizneix, daxmeh sawqmwh cam: “Siujliengz, ciengq lwgmanh gou ne?” Gou canggyaj mbouj rox, laeglemx dawz ciengq lwgmanh yo bae. Daxboh dingqnyi sing gou riu le byaij gvaqma, de baez raen gou couh yaengx hwnj fajfwngz yaek fak gou.

Gou lau ndaej deuz ok bakdou bae, daxmeh itmienh gyaep gvaq- daeuj itmienh nambedbed:“Mwngz lwg diuqbeiz neix, mbouj dawz vah daxmeh dingq haeuj rwz ha. ”

（指导老师：韦江萍）