Gyanghaet hwnqcongz le, daxboh heuh gou rau ndang sang, rau ndaej dwg 137 lizmij sang. Daengz gyanghaemh yaek ninz, gou doiq daxboh naeuz:“Gou siengj caiq rau ndang sang baez ndeu, yawjyawj ngoenzneix gou dwg mbouj dwg maj sang.” Daxboh rau sat le, riu naeuz:“Mbouj ndei eiqseiq, mwngz seizneix dwg 136 lizmij sang.” Gou baez dingq couh gip lo, sing hung hemq daxgoeng:“Daxgoeng vaiq daeuj, gou gyanghaemh ndang sang baenzlawz beij gyanghaet lij daemq 1 lizmij ha?” Daxgoeng riuhaha doiq gou naeuz: “Neix dwg mimiz bw.”

Daxgoeng gangj gij mimiz ndawde hawj gou. Laxlawz bouxvunz cungj dwg gyanghaet lai sang, gyanghaemh lai daemq. Aenvih bouxvunz gyangngoenz itcig doengh, ndwn seizgan raez, rengz- yinx digiuz rag dwk bouxvunz, geh ndok saenlaeng bienq iq, ndigah gyanghaemh couh bienq daemq lo. Gou rox 1 lizmij haenx dwg baenzlawz siusaet lo, yaek siengj ra dauqma, seizneix couh ganjvaiq ninz roengzdaeuj ninz.

(ngeih nienzgaep Vangz Lucang)