Mboengqneix, daj Guengjsae Hocouh Si song aen “Yauzcuz deuqva dajsiuq swnjcienz gihdi”——Fuconh Yauzcuz Swciyen caeuq Bazbugih Budouz Cin Mbanjyauz Vangzsiz cienz daeuj siusik ndei: Huq “Yauzsiuq” 467 gienh buek daih’it gyoengqde ndaej Lenz- hozgoz Gaihfaz Givasuj doigawj caemhcaiq dinghcawx yungh guh dajcang fungmienh bonjbitgeiq, hawj Lenzhozgoz Cungguek Daibyaujcu guh doxgaiq banhgoeng, lij baenz gij laex Lenzhozgoz soengq hawj bouxguen gak guek.

Ciuq cam rox, Hocouh dwg guek raeuz Yauzcuz diegcomzyouq ndawde dieg ndeu, daengx si miz aen Yauzcuz swciyen ndeu、 5 aen Yauzcuz yangh、 179 aen mbanj Yauzcuz, 25 fanh boux Yauzcuz. Yauzcuz deuqva dajsiuq itbuen heuh “siuq haj saek”, dwg gij dinfwngz conzdungj Yauzcuz, gaenq miz 1900 lai bi lizsij. Bi 2011 “Yauzsiuq” ndaej senj haeuj buek daihsam guekgya gaep feihvuzciz vwnzva yizcanj mingzloeg.

(Vangz Swngcenz/黄盛全 Cau Denhvaz/赵天华)