4 nyied 19 hauh, Gvangjsih Minzcuz Dayoz “feihyiz hagdangz” geiz daih- ngeih——sam nyied sam Bouxcuengh ciendaez gyangjco youq Gvangjsih Minzcuz Dayoz laeuzhung dohmeizdij gyausiz banh. Baez gyangjco neix iucingj Gvangjsih Cangyozvei fuveicangj Liu Mingzginh gyausou, Gvangjsih Swhfan Yozyen Vangz Gveiciuh gyausou, Gvangjsih Minzcuz Dayoz Luz Siujginz gyausou, Gvangjsih Bouxcuengh Swcigih Bozvuzgvanj gvanjcangj Vuz Veijfungh daeuj hwnjdangz.

Gwnz dangz, Vangz Gveiciuh gyausou gaisau gij hamzeiq vwnzva cietsangsw caeuq sam nyied sam, doenggvaq faensik fungsug vwnzva yinxok gij bienqvaq ngoenzciet sam nyied sam, gangjgej gij conzdungj vwnzva sam nyied sam. Liu Mingzginh gyausou ciuq hwngfat caeuq swnjcienz Bouxcuengh conzdungj vwnzva ceijok geij aen vwndiz: It dwg roxdingh gyoengqvunz rox caeuq gvaq ngoenzciet Bouxcuengh, ngeih dwg caenh’itbouh siujsim baujhoh feihvuzviz vwnzva yizcanj, baexmienx haeuj gonq guh cawj.

Youq seiz yienhciengz doxgyau, boux hagseng Cungguek saujsu minzcuz yijyenz vwnzyoz ciennieb, ciuq baenzlawz dajcaux ndei sam nyied sam Bouxcuengh cam lauxsae hwnjdangz haenx mbangj vwndiz. Baez gyangjcoz neix doiq hagseng aen hagdangz neix caenh’itbouh gyagiengz feihvuzciz vwnzva yizcanj baujhoh yisiz miz cijdauj yiyi youqgaenj.

(Liengz Funghgwz/梁峰阁)