4 nyied 21 hauh (liggaeuq ndwensam cibhaj) , Bingzgoj Yen Canglez Cunh Yehhih Fwenliuz Swnjcienz Gihdi, vunz lai vunz daih, nauhyied raixcaix. Ngoenzhaenx dwg ciet fwen Bouxcuengh conzdungj Yehhih moix bi gvaq baez haenx, dangdieg vunzlai faenfaen daeuj hawfwen, daeuj raen fwenyoux, canghfwen Denzdungh Yen、 Lungzanh Yen、 Namzningz Si daengj henzgyawj roxnaeuz dieggyae hix daeuj camgya doiq fwen, hwnjdaiz camgya doxdax. Youq fwenliuz doxdax seiz, daihbouhfaenh gohswz cungj dwg danqhaenh dangj raeuz yinghmingz lingjdauj、 fouqminz cwngcwz、 cinghseuq lajmbanj daengj, hingzsik lai cungj, vunzlai haengj dingq gyaez yawj.

Baez ciet fwen neix gungh miz 38 aen doih, gij cezmuz gofoux camgya doxdax haenx ndei yawj dahraix, soengq ciengz vwnzva hoihhoengh ndeu daeuj hawj lajmbanj vunzlai.

(Vangz Cunghhih/黄忠熙)