Doengzhag gou Ciz Yijgyah, de dwg dah niq gyaeundei gyaez seuq simvuen ndeu, de dwg doengzhag ceiq ndei gou, gou caeuq de dwg ranznden doxgek mbouj gyae haenx, song boux dou doengz youq aen youwzyenz ndeu doegsaw, youh youq doengz aen vujdau yozyau doengz aen ban ndeu hag diuqfoux, lij gingciengz youq doxcaez guhcaemz byaujyenj, seizneix youh doengz youq aen siujyoz ndeu doegsaw, ndaej yienghneix gangj, song boux dou lumj bouxvunz caeuq duzngaeuz nei mbouj faen hai, ngoenz ndeu mbouj raen, lumj gek haujlai nanz mbouj raen nei.

Ciz Yijgyah aen coh neix geijlai ndei dingq ha! De saundei、andingh、miz siuhyangj、rox lijmau、lauxsaed souj- saenq youh haengj bang vunz. Gou ceiq gyaez dingq de ciengqgo byaujyenj, sing de sep youh ndei dingq, diuqfoux dungcoz ndeiyawj. Moix baez byaujyenj cungj ndaej gyoengq vunzyawj haenx bekfwngz haenhndei.

Ciz Yijgyah dwg boux hagseng hagsib binjgwz cungj gig ndei ndeu, gou vih gou miz boux doengzhag ndei neix sim’angq.（ngeih nienzgaep）