Ngoenzneix, daengngoenz okdaeuj lo, gyoengq doenghduz cungj okdaeuj guhcaemz lo, gofaex did ngaz lo, dujva hai va lo, go’nywj heu lo. Duzbitlwg mbouj siujsim doek roengz gumz bae lo.

Duzbit gag siengj:“Gou yaek yat hwnjbae!” Hoeng de yat mbouj ndaej hwnjdaeuj. Duzroeg yawjraen le, de naeuz:“Gaej gaenj, gaej gaenj, gou daeuj bang mwngz.” Duzlingz daeuj lo, de dauqdingq venj youq gwnz faex, gaem diuz faexgyaengh he. De naeuz:“Bitlwg gaem ndaet.” Bitlwg mbouj miz fwngz, gaem mbouj ndaej, bitlwg gig siengsim. Seizhaenx duzciengh daeuj lo, de yungh aenndaeng raezrang de ngaeu aeu duzbit, hoeng aengumz laeg lai, ngaeu mbouj daengz. Duzmui daeuj lo, de siengj gou yaek bangbang bitlwg. Duzmui aeu raemx raix roengz aengumz bae, bitlwg fouz hwnjdaeuj lo.

Bitlwg naeuz:“Daeggo mui, mwngz caen ak ha!”

(ngeih nienzgaep Vangh Loz)