Aen gyanghaet nditrongh raeuj- rub he, duzgaeqlwg yawj daeng- ngoenz henjrwg gwnz gyaeuj, gikgyang dwk naeuz: “Ngoenzneix ndit caen ndei, gou yaek ndeindei daeuj dak ndit.”

Gaeqlwg ninz youq gwnz diegnywj, cingq dak ndit raeujrubrub. Sawqmwh dingqnyi moulwg naeuz: “Gaeqlwg, gaej dak ndit lo, vaiq daeuj bang gou hoemq ranz ba.” Gaeqlwg naeuz: “Mbouj guh mbouj guh, hoemq ranz youh uq youh dwgrengz, gou youq gizneix dak ndit ndei gvaq.” Ngamq gangj sat, gaeqlwg youh dingqnyi bitlwg naeuz: “Gaeqlwg, vaiq di daeuj bang gou muh mienh ba.” Gaeqlwg youh naeuz: “Mbouj guh mbouj guh, muh mienh daiq baeg lo, gou youq gizneix dak ndit ndei gvaq.”

Banhaemh, sawqmwh doek fwn hung, aenranz gaeqlwg fwn roh lo, gaeqlwg aeu doengj aeu bat daeuj coux fwn, moulwg caeuq bitlwg yawjraen le, ganjgip bang gaeqlwg coih aenranz de ndei bae.

Gaeqlwg yawj aenranz gaenq coih ndei haenx, caiq yawjyawj moulwg caeuq bitlwg daengx ndang dumzdwddwd haenx, mbouj eiqseiq ngaem gyaeuj roengz lo. Moulwg naeuz:“Daihgya doxbang dwg wng- gai hane.” Seizhaenx, aennaj gaeq- lwg ndingyanyan, lumj aen mak- bingzgoj nding nei.

(sam nienzgaep Cangh Mungnaz)