Daxdaiq gou vunz haemq daemq, naj miz di ndaem, byoem haumong. Aenvih daengx bi cungj guh hongnazreih, fwngz de bienq ndaej haemq cocat.

Daxdaiq gou dwg boux vunz gaenx guhhong ndeu. Ndaw suenbyaek daxdaiq, daengx bi cungj maj miz gak cungj gak yiengh byaek.

Seizcin, daxdaiq dap hwnj aenbungz hung, ndaem hwnj byaekbohliz、byaekbohcai、byaek- gat、duhnoh、lwggwz、lwgbieng daengj. Aen geiqciet seizcin raeujrub va hai neix, suenbyaek daxdaiq baenz benq funghgingj heusau ndeu.

Seizhah, ndaw suenbyaek youh dwg lingh cungj funghgingj he. Makyungz youh hung youh nding、lwggwz gyaemqgyat、lwgbieng heuoiq、duhnoh raih rim gwnz gyaq, baenz sek baenz sek byaek, lumj doxdax nei giet ok gij gva mak de.

Seizcou dwg aen geiqciet fungsou. Byaekginghbwz ndaw suenbyaek, lumj aeu nyawh deu baenz nei, gig sawj vunz gyaez. Lij miz lauxbaegnding ndinghenj dwg- gyaez, lauxbaeghau hausak bizbwd, caen sawj vunz myaiz rih sam cik. Ceiq gyaeundei dwg lwgmanh ndingyanyan haenx lo, daxdaiq mbaet ma ranz, roix baenz roix raez, venj youq laj yiemhranz, gyaeundei raixcaix……

Suenbyaek daxdaiq, lumj diuz go he, youh lumj fuk veh he, daiq hawj gou haujlai angqyangz.

(seiq nienzgaep Cangh Yiz- vwnz)