Daxboh youq Gvangjdungh guhhong. Ndwencieng, daxboh ma ranz lo, de daiq gou cuengq bauqrengh、bae gunghyenz guhcaemz, gou ngoenzngoenz cungj gvaq ndaej gig vuenyungz.

Geij ngoenz gonq, daxboh youh dauq bae Gvangjdungh hwnjban lo. Mwh bae soengq daxboh, gou daej ndaej gig haenq, daxboh hix daej lo. Yawj baihlaeng daxboh, gou youq ndawsim laeglemx naeuz:“Cuengqsim ba, daxboh! Gou itdingh ndeindei doegsaw, youq ranz dingq vah daxmeh, bang daxmeh guh hongranz. Mwngz yaek gingciengz dwk dienhvah ma ranz bw! Gou maqmuengh caeux di raen daengz mwngz!”

(ngeih nienzgaep Vwnz Cing)