Miz ngoenz ndeu, Siujmingz、Siujhoengz caeuq Siujginh bae baihrog guhcaemz. Cingq guhcaemz angq seiz, dingqnyi sing hemq:“Gouqmingh ha, gouqmingh ha!” Geij boux siujbaengzyoux lienzmuengz buet gvaqbae yawj, yenzlaiz dwg douqlwg doek haeuj ndaw congh bae lo, cingq youq ndaw congh caj vunz daeuj gouq de ne? Baenzlawz guh ne ? Geij boux lwgnyez itmienh siengj banhfap, itmienh nai douqlwg gaej lau. Siujmingz iet fwngz haeuj ndaw congh bae, siengj rag douqlwg hwnjdaeuj, danhseih congh laeg lai, douqlwg yuengq mbouj daengz fwngz Siujmingz. Seizneix, Siujginh buet gvaqdaeuj, ndaw fwngz lij gaem diuz cag ndeu, de doiq douqlwg naeuz: “Douqlwg, gaej lau, gou daeuj gouq mwngz lo.” Gyoengqde dawz diuzcag cuengq roengz ndaw congh bae, douqlwg gaem gyaeujcag, sam boux lwgnyez caez ok rengz rag hwnjdaeuj, douqlwg ndaej gouq lo.

Douqlwg angq dwk youh diuq youh saet, gaem fwngz siujbaengzyoux naeuz: “Docih sou, sou caen dwg baengzyoux ndei gou!” Sam boux siujbaengzyoux riuriu naeuz:“Raeuz dwg baengzyoux couh wnggai dox- bang doxgyaez, mbouj yungh docih.” Gangj sat couh itheij guhcaemz lo.

（指导老师：罗少维）