Aenmbanj gou dwg aen mbanj iq gyaeundei ndeu, seiqhenz cungj miz bya’ndoi, ndaem miz haujlai faexmak.

Daengz seizcin, vadauz hai lo, gij saek va dwg hoengzmaeq; valeiz hai lo, haenx dwg saek hausak; valaehcei hai lo, haenx dwg va hoengzoiq; lij miz vaseq、 vamaenj va’nganx hix hai lo ……rim go cungj dwg va, baenz benq hoengzhoengz hauhau, ndeiyawj raixcaix. Mbanj gou bienqbaenz le aen suenmak va hai hoenghhwd ndeu.

Daengz seizhah, gwnz gomak dawz rim mak, maklaehcei miz mbangj hoengzfwgfwg, miz mbangj hoengz cab heu；makleiz henjrwgrwg, lumj baenz aen baenz aen daengloengzhenj nei venj youq gwnz faex；makmaenj miz mbangj hoengzaeuj, miz mbangj saek- loeg……mwhneix, aenmbanj gou couh lumj aen suenmak gyaeundei ndeu, gizgiz nyouq daengz heiqrang vandiemz.

Ranzmbanj gou geijlai gyaeundei ha, gou gyaez ranzmbanj gou.

(指导老师：潘金妹)