Seizcin daengz lo, go’nywj iq daj laj namh ndonj okdaeuj lo, oiqem’em, heusausau； gofaex gomak didngaz haiva hoenghhwd, gomiuz ndaem youq ndaw reih haenx, caemh maj mbaw heuswdswd lo.

Seizcin daengz lo, roegenq dwggyaez daj baihnamz mbin dauqma lo, cicicaca youq laj yiemhranz ciengqgo; duzgoep daj ndaw congh yat okdaeuj, youq henz daemz hemq obob; duzbit youq ndaw raemx fan dingqdaeuj; duzbya daj daej raemx youz hwnjdaeuj, youq najraemx saet bae diuq dauq guhcaemz.

Gyoengqraeuz doengzhag, daeujdaengz gwnz cauhcangz, miz mbangj diuq fouxfaexsaux, miz mbangj diuqcag, miz mbangj doq byaij doq bek giuz, miz mbangj hag guh noudaeh diuq…… nauhyied raixcaix.

Seizcin caen gyaeundei ha! Gou gyaez seizcin﹗ （指导老师：潘碧敏）