Ngoenz“haj it”ciet gozci lauzdungcez, bohmeh daiq gou bae Bwzhaij yawj daengngoenz hwnj.

Dou naengh hwnj aenci hai bae Bwzhaij, youq gwnz loh dou miz gangj miz riu, gvaq le seiq haj diemj cung, couh bae daengz Bwzhaij lo.

Vihliux yawj daengngoenz hwnj, ngoenz daihngeih dou hwnqmbonq gig caeux. Seizhaenx mbwn ngamq momj, seiqhenz caemrwgrwg. Gvaq yaep ndeu, giz gyae yienh’ok rongh hoengz, aen giuzfeizhoengz ndeu menhmenh swnghwnj, hainduj dwg bien hoengz, ciepdwk buenq aen daengngoenz loh okdaeuj lo, hoeng, daengngoenz lumj rap dawz gijmaz naekgywg nei, menhmenh dwk baez yamq baez yamq haenqrengz yiengq baihgwnz swng hwnjdaeuj, doeklaeng, de daj geh fwj bongh okdaeuj, diuq ok gwnz najhaij lo. daengngoenz fat ok gij rongh ronghsag lwenqda, giz mbwn caeuq haij doxlienz haenx dwg benq henjgim he, fwj seiqhenz hix henjrwgrwg. Daengngoenz laebdaeb swng hwnj, daengngoenz fat ok gij rongh haenx ciuq hoengz daengx aen mbwn, hix nyumx hoengz najhaij lo.

Daengngoenz hwnj caen gyaeundei ha, gou caeuq bohmeh cungj yawj dwk ngaezngwd lo.

（指导老师：潘金妹）