Boux doengzhag gou, coh de heuh Lij Fangh, bineix gouj bi lo, mbouj sang mbouj daemq, doiq lwgda yienznaeuz iq, hoeng, rongh- liklik, baez riu hwnjdaeuj diemzsisi. De mboujdan hagsib ndei, vanzlij gyaez bang vunz dem.

Miz baez ndeu, cuengqhag lo, fwn doeksasa, Lij Fangh youq gwnz loh gwj byaij gwj byaij, sawqmwh dingqnyi miz sing gongz “w w”. De byaij gvaqbae baez yawj, yienzlaiz miz boux daxbuz ndeu deng laemx lo, de ganjgip rex daxbuz hwnjdaeuj, caiq gang aen liengjva soengq daxbuz ma ranz le, cij dauqma ranz swhgeij.

Lij Fangh doengzhag baenzneix gyaez bang vunz, vunzlai bouxboux haenh de.

（指导老师： 邓爱勤）