Bi 2015 daeuj, Yungzsuij Myauzcuz Swciyen giendingh aeu fungfouq saujsu minzcuz vunzlai vwnzva hozdung guh gij neiyungz youqgaenj hwnjguh senhcin vwnzva, gaenxmaenx sonyinx haiguh vunzlai vwnzva hozdung cwgoemq ndawsingz lajmbanj, mboujduenh muenxcuk caeuq fungfouq vunzlai vwnzva cingsaenz yaek yungh haenx.

It dwg gaenxmaenx haiguh vwnzva ngoenzciet hozdung. Leih- yungh “yenzdan”“roekit”“guekging” daengj ngoenzciet, banh daihhingz cunghhoz vwnzyi comzyienj hozdung, leihyungh saw veh canjlanj、 cunghyi comzyienj、 dungxcaiz comzyienj daengj hingzsik vunzlai haengj dingq gyaez yawj haenx, banh gak cungj vunzlai vwnzva hozdung.

Ngeih dwg gaenxmaenx haiguh ngoenznaengz minzsuz vwnzva hoz- dung. Baengh gizdieg vwnzva gih- cwngz, aeu ciet aenvenz maxdoxdik、 Myauznienz、 miuhhoih、 sam nyied sam daengj conzdungj ngoenzciet guh seizndei, cujciz haiguh vwnzva doxgaiq doxgyau daengj vunzlai vwnzva hozdung.

Sam dwg gaenxmaenx haiguh gvangjcangz vwnzva hozdung. Aeu yen minzcuz gvangjcangz、 yen veivu cungsim caeuq yen minzcuz dijyuz cungsim guh bingzdaiz, sonyinx gujli vunzlai gag banh fouxgvangjcangz、 fouxlienhndang、 fouxaenvenz daengj vwnzva hozdung, hwnghwnj le gauhcauz moq daengx yienh ganbu vunzlai camgya vwnzva hozdung.

Ciuq doengjgeiq, bi’gvaq daengx yienh gungh guhsat vwnzva leih minz roengzmbanj camnai yienjok 78 ciengzbaez, banh gak cungj ban beizyin diuqfoux 12 geiz; gaenxmaenx haiguh vwnzva “sam roengzmbanj” hozdung, baijok saw、 gizganh 12200 lai bonj 18 ciengzbaez; haiguh saw riuzdoengh senhconz, gungh baijok saw、 gizganh 12400 lai bonj、 baijok canjbanj 90 gep、 mbawdoz 1240 fuk, fat swhliu senhconz 12200 lai faenh. Guhsat cuengqingj 7210 ciengz, bouxyawj gyoebsuenq 434282 vunz- baez. Ndawde, denyingj vah saujsu minzcuz cuengqok 395 ciengz, senh- conzben gimqdoeg fuengz bingh- aiswh cuengqok 210 ciengz, fazciben cuengqok 321 ciengz, Gang Yiz Cancwngh denyingj cuengqok 216 ciengz.(Cinz Cunghdwz/陈忠德)