2 nyied 27 hauh, Lozcwngz Mulaujcuz Swciyen Dunghmwnz Cin Cunghsiz Cunh Mbanjsangnanzan doiq gvanbaz moq ndeu banh Mulaujcuz conzdungj baenzranz yizsi, yinx vunzlai humxyawj.

Mulaujcuz conzdungj vaensug miz gangjmoix、 dingh- vaen、 baenzranz sam yamq. Baenzranz ngoenzhaenx, mbiengj bouxgvan doihciepyah dungjyiz daenj buhvaq Mulaujcuz, bae daengz mbanj bawxmoq ciepyah, mbiengj bawxmoq couh youq ngoenzhaenx cingjlaeuj cingjhek ciepdaih caencik beixnuengx; ngaizlaeuj gvaqlaeng, bawxmoq caeuq “soengqyah cib cejnuengx” cangndang lumj bawxmoq nei, itheij riengzdwk mbiengj bouxgvan doihciepyah bae ranz bouxgvan, daengz ranz bouxgvan, cib’it boux lwgsau itheij haeuj ranz, nauhyied raixcaix. Ciuq cam rox, Mulaujcuz vaensug gaenq ndaej liedhaeuj swcigih feihvuzciz vwnzva yizcanj baujhoh mingzloeg. Ndaw doz dwg soengqyah ok dou.

(Mungz Cwnghswh/蒙增师)