●2 nyied 24 hauh， Vanz- gyangh Mauznanzcuz Swciyen Minz- cuz Cunghgyau Swvugiz lingjdauj, faenbied bae daengz aen yienh neix Yananz Yangh Gingjyangz Cunh、 Yananz Segih、 Yizfung Cunh daengj doiq mizgven saujsu minzcuz hwngfat hanghmoeg hwnjguh guh cienzmienh diuyenz. Doenggvaq diuyenz caeuq sonyinx, hawj aen yangh neix saujsu minzcuz daegsaek canjnieb ndaej caenh’itbouh gya- gvangq, daegsaek canjbieb ndaej caenh’itbouh gaijndei.

(Danz Sumyauz)

●Mboengqneix, Lingzyinz Yen Veigigiz cujciz yihliuz doihfugsaeh bae daengz gak yanghcin haiguh seizcin haeuj ranz soengq ndang- cangq leih minz fugsaeh hozdung, vih vunzlai yawjbingh、 senhconz ndangcangq cihsiz, ndaej daengz gak cuz vunzlai angqcoux caeuq haenh ndei.

(Loz Hihhaij)

●2 nyied 25 hauh, Lungzswng Gak Cuz Swciyen Lungzswng Cunghyoz banh gauhgauj bakngoenz comzmieng hozdung. 700 lai boux hagseng gauh samnienzgaep aeu cizdij gangj vahmieng、 hemq bangaep goujhau、 laebceiq ciem- mingz daengj fuengsik vih gauhgauj gyayouz gujli、 gangjok saenqsim caeuq gietsim, aeu fuengsik daegbied neix angqcoux haggeiz moq haihag ngoenz daih’it.

(Banh Cisiengz Hij Ginjfwnh)

●Yungzanh Yen ciuq dangdieg saedsaeh haiguh cingcinj bang- coengh ranz gungzhoj, doenggvaq doigvangq gij vunqsik “haeuxnaz + youzgveiz + byaekyouzcai”, gujli ndaem byaekyouzcai、 youzgveiz daengj yienghyawjngonz doenghgo, hwngfat swnghdai lijyouz, moix moux ndaej demsou 1500 lai maenz, saedyienh bouxguhnaz dieg gungzhoj demlai souhaeuj.

(Danz Gaijhingh)

●2 nyied 21 hauh(liggaeuq ndwencieng cibseiq), Gunghcwngz Yauzcuz Swciyen Sanhgyangh Yangh Sizgouj Cunh beixnuengx Yauzcuz banh “ciet bauqva”, fanh boux doxhwnj hekyouz daj Guengjdoeng、 Huznanz、 Vuzcouh daengj dieg daeuj ngonzyawj camgya daejniemh. Hozdung doenggvaq doumbanj angqcoux hek、 fouxgyongraez、 ciengj bauqva daengj caeuq hekyouz yiedcingz doxrox, hawj hekyouz roxyiuj daengz daegsaek vwnzva dangdieg Yauzcuz naekna caeuq heiqfaenh minzcuz doxgiet naekna.

(Moz Siujcenz)