Riengzdwk seizcin mbwn lij cengx hai gunghdiuz caeuq gwn nohring、gwn hojgoh daengj yinxhwnj hwnjhuj, seizhah vunz yaeuhfat baenz conghhoz in ciemh ngoenz ciemh lai. Cukbyaekhomnyaeuq dwg gij yw ndei yw conghhoz in ndawde cungj ndeu, ndaej bangcoh gaijndei binghyiengh.

Caizliuh: Aeu 20 gwz byaek- homnyaeuq、100 gwz haeuxsuen、5 gwz dangznae.

Guhfap: Byaekhomnyaeuq cawz cab、mbaet byawgeq、mbawhenj bae, swiq seuq ndik raemx hawq bwh yungh; raemx dauz haeuxsuen seuq cigciep roengz gu dwk di raemx he, hai feizhaenq cawj goenj le gaij yungh feiznumq ngauz cuk gwd, dwk byaekhomnyaeuq caeuq dangznae roengz cawj goenj couh baenz gwn.