1. Byaekgep. Seizcin aenmbwn nitgyoet, aeu ciengx heiqyiengz cij ndaej, byaekgep singq raeuj, ceiq hab heiqyiengz aenndang bouxvunz. Yihyoz guekcoj nyinhnaeuz, seizcin heiqyiengz aenndang bouxvunz yungzheih bien hoengh, yienghneix couh yingjyangj daengz gij goeng- naengz dungxsaej siuvaq supsou, ndaej demgiengz gij heiq aendungx bouxvunz. Daj aen gakdoh neix daeuj gangj, seizcin ceiq hab gwn byaek- gep lo. Aenvih byaekgep nanz siuvaq, ndigah baez dog mbouj ndaej gwn daiq lai.

2. Rangzcin. Yihyoz daih neix cingqsaed, gwn rangz ndaej nyinh yaem、ik lwed、vaq myaiz、siu cwk、leih haexnyouh、raeh da. Rangzcin yingzyangj lai, raemx cukgaeuq, hamz miz danbwz doenghgo caeuq gai、linz、diet daengj yingzyangj cwngzfwn caeuq veizlieng yenzsu ndang vunz aeu miz haenx, daegbied dwg hamz miz nyinzsei doxgaiq gig lai. Gwn rangz ndaej bangcoh siuvaq, yawhfuengz baenz haexgaz.

Rangzcin yienznaeuz yingzyangj gyaciz sang, danhseih de singq gyoet feih diemz, youh hamz miz nyinzsei co haemq lai, gwn lai nanz siuvaq, hawj dungxsaej demgya fudanh, boux dungxsaej miz bingh mbouj hab gwn lai, boux baenz sainyouh gietsig、boux baenz mak gietsig、boux baenz cibngeihcijcangz biux naeuh youq- gaenj、boux dungx ok lwed、boux daep ndongj、boux baenz menhsingq saej in、boux dungx hawnyieg cungj mbouj hab gwn rangz.

3. Duhngaz. Seizcin mehmbwn hawqsauj, yungzheih okyienh bak hawq naengbak sauj daengj gok- baknengz binghyiengh, hoeng duh- ngaz feihdauh ndei gwn, ndaej nyinh ciengx hawqsauj、siu ndat gej doeg. Haicin gwn duhngaz, mizleih so- doeng heiqdaep、cangq mamx huz dungx. Duhngaz gwnfap miz lai yiengh, ndaej guh byaekliengzban gwn, hix ndaej cawj dang gwn, caemh ndaej dwk hojgoh gwn.

4. Coeng. Seizcin lai gwn di coeng he, mboujdanh ndaej bouj yiengz sanq nit, doengzseiz ndaej gaj nengz dem.

5. Gyaeujsuenq. Seizcin gwn gyaeujsuenq, mboujdanh aenvih de singq raeuj, bouj heiqyiengz hawj ndang vunz, caemhcaiq ndaej gaj nengz dem, hix ndaej fuengzceih aenvih nonnengz uqlah yinxhwnj baenz dwgliengz. Vihneix, seizcin lai gwn di gyaeujsuenq he, aenvih de lij ndaej coicaenh sup haeuj caeuq baiz ok, hawj vunz lai gwn ndaej doxgaiq, ndaej yawhfuengz doenghmeg giet ndongj caeuq hezyaz sang dem.