Gou yawjraen daxboh dawz bingz sezbiz daeuj rwed va, hozndat dwk naeuz: “Bingzseiz gou yaek gwn sezbiz, mwngz cij hawj gou gwn gaemz iq ndeu, seizneix mwngz hawj gova gwn baenz lai, mwngz mbouj gyaez gou lo!” Daxboh riu naeuz: “Doenghgo bingzseiz cungj dwg gwn raemx gyoet, hix hawj de gwn di ‘yinjliu’ ba.”

Gvaq yaep ndeu, gou yawjraen bingz “sezbiz” haenx cuengq youq gokciengz, couh ganjgip byaij gvaqbae dawz daeuj gwn. “Aeya, baenzlawz dwg raemxgyoet ha?” Gou sing hung hemq hwnjdaeuj. Daxbah daj ndaw rug byaij okdaeuj, sing hung riuhaha. Siengj daengz haxbaenh daxboh riu ndaej gig saenzmaed haenx, gou cij fwt rox, daxboh dwg yaeuh gou.

(ngeih nienzgaep Liuz Yizcwngz)