Mboengqneix, “Bouxak Fwenmyauz” gyoebhab youz Yungzsuij Myauzcuz Swciyen vwnzdij sinhgvangjgiz cujciz camgya bi 2015 “yiengjsouh yaemgo minzcuz” doxdax haenx, ndaej Guengjsae youhswngciengj. Baez doxdax neix yinx ndaej Huznanz、 Gveilinz、 Namzningz、 Liujcouh daengj dieg canghfwen 3000 lai boux (cuj) camgya, bouxcamgya baugvat miz canghyw、 bouxguhnaz、 lauxsae、 hagseng daengj, gij go baugvat fwenliuz Denzdungh、 diuhgo Dahdozniengzgyangh Lungzlinz、 Fwenbuenzvuengz Yauzcuz、 golaux Dungcuz daengj haujlai cungj. “Bouxak Fwenmyauz” gyoebhab Yungzsuij senj soengq haenx, youq seiz camgya gij doxdax rangh Liujcouh, yungh samsingbouh yienjciengq le yenzswnghdai daezswng Fwenmyauz 《Laeuj Beix》， ndaej “cib ndei canghfwen minzcuz” cwngheuh, swnhleih haeuj Namzningz fuksaiq, ginggvaq fuksaiq、 gietsaiq, doeklaeng ndaej “Guengjsae youhswngciengj”.

Ciuq cam rox, Yungzsuij baez daih’it ndaej swcigih gaep ciengjhangh cungj doxdax neix, mizyauq swnjcienz Myauzcuz vwnzva, vih coicaenh dieg henzgyaiq minzcuz doxgiet、 dajcaux Guengjsae yienh okmingz daegsaek lijyouz okrengz.

(Siz Gveiz/石 奎)