Mboengqneix, gyoengq lwgnyez Sanhgyangh Dungcuz Swciyen Dungzloz Yangh Dungzloz Cunh cungj gaenx hagsib dajsiuq. Hanzgyaj hainduj le, aen yangh neix Dungcuz dajsiuq swnjcienz gihdi bienqbaenz ciengzdieg gyoengq lwghag hagsib dinfwngz minzcuz. Gaenh geij bi neix daeuj, aen yienh neix haenqrengz gyahung cimhra caeuq swnjcienz feihvuzciz vwnzva yizcanj hanghmoeg ligdoh, doenggvaq hengzguh minzcuz vwnzva haeuj hagdangz、 haeuj segih、 haeuj mbanj caeuq “feihyiz” dinfwngz beizyin nem doxdax daengj fuengsik, hawj Dungcuz vwnzva cingbinj ndaej swnjcienz caeuq hwngfat.

Ciuq cam rox, aen yangh neix baengh “Siuqdung”, hawj 200 lai boux mehmbwk lajmbanj miz hong guh, Vehdung、 dajsiuq daengj minzcuz lijyouz gunghyibinj gai bae daengz guekrog, bi swnghcanj、 haifat minzcuz vwnzva canjbinj 3000 lai gienh, gai ndaej ngaenz 60 lai fanh maenz.(Gunj Yicungh/滚亿忠)