1 nyied 27 hauh,Gunghcwngz Yauzcuz Swciyen bi 2016 ciengmoq vwnzyi roengzmbanj youq Lungzhuj Yangh banh ciengz daih’it yienjok hozdung. Baez hozdung neix yinx ndaej haujlai vunzlai daeuj ngonzyawj, dangdieg beixnuengx Yauzcuz danqhaenh le baez yienjok hozdung neix. Baez hozdung neix mboujdan daezsang vunzlai seizhoengq vwnzva saedceij, youh dajcaux gij heiqfaenh ndwencieng ndei.

Ciuq cam rox, baez cunzyienj neix youz Gunghcwngz Yenveij Senhconzbu、Yen Vwnzlij Gvangjdijgiz caeuq gak yanghcin lienzhab cujciz, vwnzyi yienjok cawjdaez dwg “cauxguh huzndei Gunghcwngz, caezlaeb siengjmuengh Cungguek”, youq aen yienh neix 9 aen yanghcin guh cunzyienj.(Liengz Veih/梁 辉 Se Cunghvaz/谢宗华)