1 nyied 28 hauh banhaemh, Baksaek Si Lingzyinz、 Lozyez、 Denzlinz、 Lungzlinz、 Sihlinz haj aen yienh saebaek Guengjsae neix bi 2016 lienzhab angqcoux ciengmoq vanjvei youq Lingzyin Yen Veiyi Cungsim yienjok cezmuz ndeiyawj.

Banhaemh 8 diemj cung, vanjvei youz haiciengz gofoux 《Bi Lingzgim Vuenyungz》 hainduj yienj. Cezmuz lij miz bouxsai daihlienzciengq 《Ranz Huz Fanh Saeh Hoengh》、 mehmbwk siujcuj ciengq 《Fwen Diemz》、 heiq cingzgingj 《Simniemh》、 Heiqcuengh 《Roegenq Daeuq Guk》 daengj 15 aen cezmuz dem. Daengx daiz vanjvei cezmuz neiyungz yungzhaeuj le gij minzcuz vwnzva haj yienh saebaek Guengjsae raeuz, cungmuenx le daegsaek deihfueng naekna, cienzndenq le gij naengzliengh ndei dangdieg vunzlai ndiepgyaez saedceij、 gaenxmaenx doxhwnj.

(Yangz Dunghcan/杨通站 Siuh Fazlingz/肖发凌)