Miz ngoenz he, boux vunz bingh gig naek yaek dai ndeu, de daj conghcueng binghfuengz yawjraen baihrog miz go faex he, mbawfaex youq ndaw rumz seizcou mbaw he mbaw he doek roengzdaeuj. Boux bingh yaek dai neix yawj aen cingzgingj neix, ndang de hix yied daeuj yied mbouj ndei, ngoenz beij ngoenz ca lo. De gag naeuz:“Daengz mbawfaex go faex neix cungj doek roengzdaeuj caez, gou hix yaek dai lo.” Boux canghveh ndeu cingqngamj byaij gvaq aen binghfuengz neix, ndaej nyi gij vah boux bingh yaek dai neix gangj. Doeklaeng de couh veh le benq mbawfaex heusausau he venj youq gwnz nga gofaex. Mbouj rox gvaq ndaej geijlai nanz, benq mbawfaex neix youzcaih rumz baenzlawz ci hix mbouj doek roengzdaeuj. Cij aenvih benq maqmuengh saekloeg neix, boux bingh yaek dai neix gingqyienz geizcik dwk lix roengzdaeuj lo!