Siuj Vangz gaxgonq aenvih huxci lwgda de yawj mbouj raen lo. Doeklaeng de ra ndaej dahyoux, hoeng, de coengzlaiz mbouj rox dahyoux de dwg gijmaz yiengh, cij nyi ndaej sing dahyoux de. Bihaenx, dahyoux de aendungx baenzaiz, yaek dai seiz dahyoux de gien muek gokda hawj siuj Vangz. Lwgda siuj Vangz baez dauqfuk yawjraen goxgaiq couh sikhaek bae ra gij mbawsiengq dahyoux de, daeuj yawj yiengh dahyoux de. Hoeng, de cij ra ndaej fung saenq dahyoux ce hawj de he, ndaw saenq miz mbawsiengq hoengqvangq, baihlaeng mbawsiengq neix lij sij miz coenz vah ndeu——“Gaej caiq bae siengj gou dwg gijmaz yiengh, boux gvaqlaeng mwngz gyaez haenx dwg gijmaz yiengh gou couh dwg gijmaz yiengh!”