Ngiengx gyaeuj yawj, fwj gwnzmbwn baenz duj baenz duj, lumj baenz aen baenz aen dangzfaiqyungz, lij lumj baenz bang baenz bang yiengznyoengq youq gizhaenx andingh gwn nywj, vanzlij riengz yiengzdaeuz menhmenh daenq baenaj. Gvaq yaep ndeu, fwj gwnzmbwn couh bienqbaenz dah sau gyaeundei ndeu, gyaeuj daenj mauhsang, song fwngz hob hwnj, lumj cingq vih ngoenzseng de mbaenj simnyienh de. Menhmenh dwk, mbwnraemh lo, bongj rumz lo, fwj hix hainduj simgaenj lo, daj baihdoeng buet daengz baihsae, lumj duzlungz hozndat nei. Rumz dingz lo, mbwn youh gvengq lo, gvaq yaep ndeu, yiengznyoengq youh okyienh lo.

(seiq nienzgaep Coj Sinhyij)