2015 nienz 12 nyied 31 hauh, Ningzmingz Yen Cwngzcungh Cin Cungsim Siujyoz banh gaiq daih’it ciet vwnzva yisuz nem “angqyangz gyauyuz” cwngzgoj baijyienj hozdung, angqhoh yenzdan caeuq bi moq daeuj daengz.

Hozdung faen baenz “vwnzyi biujyienj”、“minzcuz conzdungj dijyuz hozdung comzyienj” song hangh. Youq seiz vwnzyi biujyienj, aen hagdangz neix lauxsae hagseng itheij biujyienj le 《Gyonglaz Byaraiz》《Gukbaengz Daxdaiq》 daengj gofoux, caeuq heiq cingzgingj simleix daengj, cungfaen baijyienj le aen hagdangz neix haeujlaeg hengzguh suciz gyauyuz、“angqyangz gyauyuz”、 coicaenh hagseng cienzmienh hwngfat yisuz cwngzgoj. Cezmuz ndeiyawj ndaej daengz bouxyawj bekfwngz haenh ndei. Youq seiz comzyienj minzcuz conzdungj dijyuz hozdung, gyoengq hagseng daengxcungq biujyienj le 《Gienz Byaraiz》 caeuq《Hagdangz Lahlahcauh》, caemhcaiq caeuq gyoengq lauxsae itheij diuq fouxsaux angqyangz mizyinx haenx.(Luz Dejsanh/陆铁山)