2015 nienz 12 nyied 31 hauh banhaet, lajmbanj saunenzgungh dungxcaiz comzyienj caeuq yisuz haeuj gihcwngz haeuj hagdangz yaugojcanj hozdung youz Fangzcwngzgangj Si Mehmbwk Lwgnyez Hozdung Cungsim lienzhab Fangzcwngzgih Vazsiz Cungsim Hagdangz doengzcaez cawjbanh, youq Fangzcwngzgih Vazsiz Cungsim Hagdangz banh.

Hozdung youz habciengq 《Deihfueng Siengjmuengh Hainduj》 hainduj, doenggvaq hagseng caeuq cawjranz doengzdaiz biujyienj 《Daihdamj Roemx Bae Baihnaj》、 lauxsae hagseng yienj siujbinj《Dwkbyoengq Rekmeng Cam Daengz Daej》 aeu gij gohbuj cihsiz youq saunenzgungh hag ndaej haenx baijyienj hawj daengx hagdangz lauxsae hagseng yawj, diuqfoux《Fwenmyauz》、 doeg ginghdenj、 vaiqbanj biujyienj daengj cezmuz cug’aen hwnjdaiz biujyienj, baijyienj le yisuz gyauyuz youq lajmbanj hagdangz gyauyuz cwngzgoj, cezmuz ndei yawj ndaej daengz daengx hagdangz lauxsae hagseng bekfwngz.

(Vangz Veigenh/黄慧娟)