Dunghlanz Yen Minzyijgiz caeuq aen yienh neix Vujcon Cin Dangjveij、 Cwngfuj, lienzhab dajcaux Vujcon Cin baenz aen cin okmingz vwnzva gwzming lijyouz venj baizsenhconz miz Cuengh Gun song cungj saw, dajsuenq yungh 1 daengz 2 bi seizgan, haeuj gih raeuz ndaw lijyouz yanghcin sawqdiemj hangzlied venj baizsenhconz miz Cuengh Gun song cungj saw, yungh 3 daengz 5 bi baenz yienghndei daengx gih lijyouz yanghcin venj baizsenhconz miz Cuengh Gun song cungj saw, miz mingzdaeuz ndei caeuq yingjyangjliz haemq sang.

Dajcaux Vujcon Cin baenz aen cin okmingz vwnzva gwzming lijyouz venj baizsenhconz miz Cuengh Gun song cungj saw, dwg hangh yinvu dwgrengz youh seiznanz he, vih baujcang dajsuenq laebdaeb mizyauq hengzguh, Dunghlanz Yen ciuq gipmenh nanzngaih aeu hong faen baenz dungyenz anbaiz、 haeujlaeg doicaenh、 gyamaenh daezsang sam duenh guh. Daengz seizneix, aen yienh neix gaenq guhsat geizgonq hong diucaz modaej, cauxlaeb le siujcuj guh hong fanhoiz song saw vah, laebdaeb laeb le cwngfuj rogranz cawjdaez senhconz daihhingz gvangjgau 8 mbaw, henzroen fuk iq baizsenhconz guh hong 22 mbaw.(Veiz Vanjswh/韦婉姿)