Gwn nohgaeq bouj ndang seiz aeu haeujsim duzboux duzhangh cozyung mbouj doxdoengz. Noh gaeqboux, bouj raeuj cozyung haemq ndei, haemq hab boux heiqyiengz hawnyieg gwn; noh gaeqhangh haemq hab mehsenglwg、bouxlaux ndang nyieg caeuq boux bingh nanz ndang haw gwn.

Seizdoeng yungzheih baenz dwgliengz, lai gwn di dang nohgaeq ndeu, ndaej daezsang rengz dingj bingh; boux gaenq deng liuzganj binghdoeg hwnj ndang, lai gwn di dang nohgaeq ndeu ndaej hawj dwgliengz gemjmbaeu. Dang noh- gaeq ndaej gyoep liuzganj deuz, aenvih de ndaej baiz binghdoeg ok rog ndang daeuj.

Gij yingzyangj gyaciz duzgaeq, dwg gaeqnohndaem ceiq ndei. Cawz noh caeuq dang de le, daep、daw、simdaeuz、aen’mbei、caengz- henj dawgaeq de cungj doengzyiengh miz baujgen cozyung.

Mbouj dwg naeuz vunzvunz cungj ndaej gwn gaeq bouj ndang. Nohgaeq danbwzciz lai, boux baenz nyouh doeg caeuq boux fatndat、boux dungx ndat geih gwn. Aeu daezsingj dwg, aensoenj duzgaeq rom miz haujlai nengzbingh caeuq binghdoeg, ciengeiz mbouj ndaej gwn!