Maenzcienz yingzyangj cwngz- fwn lai, lij hamz miz danbwz、anhgihsonh、dohfwnh yangjvameiz daengj yingzyangj cwngzfwn dem, gwn de ndaej demgiengz ndang vunz menjyizliz.

Maenzcienz ywyungh gyaciz gig sang. Cunghyiz nyinhnaeuz, maenzcienz singq diemz、fouz doeg, ndaej bouj dungx ik mak、ciengx bwt、dingz siq、dingz raemxhanh, dwg gij yw ndei gwn bouj.

Hab gij vunz gwn: Gij vunz siengj seizdoeng gwn bouj、lwgsau dajsuenq gemjbiz、mehmbwk din fwngz gyoet、boux veibing fukfat、bouxlaux yungzheih baenz dwgliengz、boux baenz dungxraeng、mehmbwk bouxsai baenz makhaw、boux bwthaw baenzae、bouxlaux sailwed sim uk miz bingh、nyeznomj dungxsiq.

Daegbied daezsingj: Maenz- cienz hamz mba lai, boux baenz aek ciengq、haex ndongj haex sauj、boux baenz haexgaz ceiq ndei noix gwn. Maenzcienz dwg ywbouj, vandiemz caemhcaiq bien ndat, boux yungzheih hwnjhuj wng noix gwn. Boux baenz binghnyouhdangz baez dog mbouj ndaej gwn daiq lai, mboujnex doiq hezdangz miz itdingh yingjyangj. Linghvaih, boux siuvaqsingq biux naeuh caeuq boux baenz daep ndongj, siengj gwn wng yungh naengj、aeuq daengj fuengfap daeuj gwn, geih ciencauj gwn. Boux conghsaej mbouj ndei gwn maenzcienz seiz, gaej doengzseiz gwn siujsuhdaj. Bouxsai cenzlezsen baenzaiz、mehmbwk baenz yujsenyenz mbouj hab gwn.