Seizdoeng dwgliengz itbuen fat- bingh haemq gip, dingzlai vunzbingh ndaej buenx miz ndaengsaek、mug rih、conghhoz sauj in、ae、gyaeuj in、fatndat daengj binghyiengh, mbangj vunz- bingh ae haujlai ngoenz mbouj ndei, danghnaeuz bingh caenh’itbouh faz- canj, couh rox yienjbienq baenz heiqguenj fatyiemz, caemhcaiq yienj- bienq baenz menhsingq cihgi’gvanj fatyiemz dem.

Fap yawhfuengz:

Yawhfuengz seizdoeng dwgliengz cawz haeujsim bauj raeuj lai lienh- ndang、baujciz ndaw ranz hoengheiq riuzdoeng le, lij aeu haeujsim baihlaj geij diemj dem:

(1) Mbouj hab gwn imq lai. Gwn byaekheu、lwgmak、nohcing、gyaeq caeuq duh, noix gwn gijgwn youznywnx; lai gwn raemxgoenj, haeujsim boujcung di raemx ndeu daeuj heuz saw huqdoeg ndaw lwed.

(2) Ciengzseiz saeg denz dak denz、gyaeujswiz, yungh ndit daeuj siudoeg, fuengz binghdoeg sanjlah.

(3) Ngoenznaengz yungh raemx- ndat swiq din, raemx ndat daengz nyaenxsouh ndaej couh ngamj, raemx aeu mued gvaq laengdin, cimq hawj song cik din fat hoengz, ngoenznaengz cimq din ceiq ndei mauhgvaq 15 faen cung, yienghneix ndaej yawhfuengz baenz dwgliengz.

Fap ceihyw:

(1) Habdangq yindung. Gaej nyinhnaeuz dwgliengz lo couh mbouj haengj yindung, yindung ndaej hawj dwgliengz loq ndei di. Aeu haeujsim dwg, mwh yindung itdingh aeu bouj gwn di raemx he, fuengz ndang duetraemx.

(2) Gwn dangraemxhing. Dang- raemxhing doiq ceihyw rumznit dwg- liengz yaugoj gig ndei, danhseih youz ndat yinxhwnj baenz dwgliengz cix mbouj hab gwn dangraemxhing. Cawj dangraemxhing gig genjdanh, couhdwg cunjbei di hing caeuq coengbieg ndeu, gya vanj raemx he cawj goenj le dwk dangznding roengz bae, yungzvaq couh baenz gwn.

(3) Doiq fwindat sup heiq. Ndingq aeu boi raemxgoenj he ma, doq iet ndaeng gvaq gwnz bakboi bae sup fwindat, cigdaengz raemx ndaw boi mbouj miz fwindat cij dingz, doeklaeng ndingq raemx bae le caiq vuenh aeu boi raemxgoenj ndeu ma sup, genhciz moix ngoenz sup geij baez, ndaej gemjsiuj ndaengsaek.